PAGLISAN

Mali bang bumitaw sa isang relasyong hindi ka na masaya?

Mali bang tigilan na ang kabaliwang minsan mong inasam?

Masisisi mo ba ako kung bigla nalang nagbago ang aking nararamdaman?

Inaamin ko, ako ang unang bumitiw ang siyang unang sumuko

Ako ang siyang unang sumuko sa ating pag-iibigan

Pag-iibigang sa tingin ko'y walang patutunguhan

Ngunit ngayon ako'y nagsisisi sa aking kamalian, sa aking mga maling desisyon

Naisip kong ako'y nagpadala sa sigaw ng aking utak at hindi sa tibok ng aking puso

Hinayaan kung lasonin ng aking utak ang aking puso

Iniwan at binitiwan kita ng walang sapat na dahilan

Nagsumamo ngunit ako'y nagmatigas, sa pag-aakalang ito ang tama

Ngunit isa pala itong napakalaking kamalian

Kung maaari ko lang ibalik ang nakaraan

Upang maitama ko ang mga maling desisyon

At nang maibalik ang dating samahan, ngunit wala..huli na ang lahat!

Masasayang alaala'y parte na lamang ng nakaraan, Nakaraang pilit binubura sa aking isipan

Ngunit bulong ng puso'y kabaliktaran, Patuloy na umaasang maibabalik ang dating samahan

At buhayin muli ang nasirang sumpaan

Subalit paano maibabalik ang dating pagmamahalan

Kung sa kasalukuya'y masaya na sa piling ng iba

Labis ang aking hinagpis at pagdurusa, dahil ika'y di na maaangking muli

Masakit mang tanggapin ang katotohanan, wala akong magawa kundi ito ay tanggapin

Ngunit mahal ito lamang ang natatangi kong kahilingan

Na sana sa aking tuluyang paglisan, maging masaya ka na ng lubusan....

                                                                                                                            nyroksuguitan_03